Aantal jare ondervinding binne die bedryf: 20+ jaar
Jou loopbaanpad tot dusver: Ek was ‘n projekbestuurder vir om en by 25 jaar, meestal in die IT bedryf. Ek is 59 en ‘n pensionaris van die Reserwe Bank.
Vertel ons ʼn bietjie van jouself: Ek is georganiseerd en doelgerig. Ek is goed daarmee om ‘n span te bou en spanwerk aan te moedig. Ek is “old school” hardwerkend gedissiplineerd en georganiseerd. Ek is ‘n goeie beplanner.
Kwalifikasie:BDiac-graad in Maatskaplike Werk (2013)
BA Honneurs in Sielkunde (2016)
Aantal jare ondervinding binne die bedryf: 5 jaar
Jou loopbaanpad tot dusver:Gradueer in 2012
2013-2014: Werksaam by die Departement van Maatskaplike Ontwikkeling
2015-2016: Voltydse studie
2018-2019: Maatskaplike werker: Khulisa Social Solutions (eenjaarkontrak)
2019-2019: Maatskaplike werker: Worcester Provinsiale Hospitaal (kraamverlofpos)
Vertel ons ʼn bietjie van jouself:Ek is ‘n volwasse, getroude vrou met twee tienerseuns. Ek het ʼn warm persoonlikheid en is ʼn passievolle mense-mens wat weens omstandighede buite my beheer my studie in Maatskaplike Werk in 1994 moes staak. Ek het eers weer in 2012 terugekeer en my studie aan die Hugenote Kollege in Wellington in samewerking met UNISA voltooi. Ek het daarna as voltydse maatskaplike werker by Departement van Maatskaplike Werk in die Paarl begin werk waar ek verantwoordelik was vir kinderbeskerming.
Vertel ons ʼn bietjie van jouself:Ek is tans die hoof- uitvoerende beampte van ABA, ʼn internasionale maatskappy wat adviesdienste aan klein en mediumgrootte ondernemings lewer, en ek het 30+ jaar ervaring op hierdie gebied. Ek was die groep- finansiële direkteur van ʼn maatskappy wat op AltX genoteer is. Ek was finansiële hoof van Absa Afrika in verskeie Afrika-lande, waarvan nege jaar by Barclays en die Absa-groep en nege jaar by die Transnet-groep, wat ʼn volwaardige bank met ʼn direksie is en waarvan Absa/Barclays aandeelhouers is.
Vertel ons ʼn bietjie van jouself:Die digitale wêreld maak my kinderlik opgewonde met al die geleenthede wat digitale media vir ʼn organisasie bied, is daar geen beperkings nie. Alles is moontlik! Digitale media, ontwerp en bemarking gaan hand aan hand met mekaar en die een kan nie afsonderlik van die ander funksioneer nie.
Aantal jare ondervinding binne die bedryf: 35+ jaar
Jou loopbaanpad tot dusver: In 1983 het ek met my ambag by Eskom begin, en in 1987 het ek as ʼn Instrumenttegnikus gekwalifiseer. Ek was ʼn ambagsman tot 1991, waarna ek begin het as ʼn instrukteur met na-vakleerlingskapopleiding. Vanaf 1996-2003 het ek my eie onderneming bestuur; daarna het ek ʼn projekbestuurder by NIC Instruments and Engineering geword.
Vertel ons ʼn ietjie van jouself: Ek woon tans in Pretoria, en is by Afrox Germiston werksaam, maar ek is ook landwyd asook op in Afrika by allerhande nuwe projekte betrokke en help met tegniese hulpverlening by die betrokke aanlegte. Alhoewel ek gekwalifiseerd is in die instrumentasieveld, strek my verantwoordelikhede oor beide instrumentasie en elektriese installasies. Weens die aard van my werk reis ek nogal baie, maar gelukkig nie vir baie lang periodes aaneen nie.
Aantal jare ondervinding binne die bedryf: 15 jaar aankope en verkryging (logistiek); 20 jaar rekenmeester, waarvan 10 jaar ook salarisse en PAYE ingesluit het. 3 jaar geregistreerde SARS-praktisyn en lid van die SAIT.
Jou loopbaanpad tot dusver: My loopbaanpad is suksesvol afgehandel na 47 jaar, maar ek is nog te jonk om af te tree.
Vertel ons ʼn bietjie van jouself: Na ʼn suksesvolle loopbaan voel ek die tyd het aangebreek dat ek in die gemeenskap moet terugploeg asook in ons jong mense se toekoms. Daarom wil ek ʼn mentor wees. Ek is nou betrokke by die Gemeenskapsforum se taakspan wat gestalte begin kry en waarby Solidariteit sowel as Helpende Hand betrokke is.
Opvoedkundige beampte by die ou Transvaalse (Tvl) Museums: 7 jaar
Jou loopbaanpad tot dusver: Ek het destyds as onderwyser begin werk waarna ek verder in Geskiedenis gaan studeer het en as opvoedkundige beampte by museums gewerk het. Op ʼn tyd was ek selfs ʼn museumkurator.
Kwalifikasie:Senior Sertifiaat, studierigting Landbou: 1980/01/01 THOD (Senior Primêr): 1984/01/01 New Insights Life Coaching 101: 2014/10/06 New Insights Certified Life Coach (onderskeiding): 2016/05/25 Selfbeeldontwikkeling
Aantal jare ondervinding binne die bedryf: 39 jaar
Jou loopbaanpad tot dusver:Ek het 1983 afgestudeer as onderwyser by POK. My eerste pos was by Laerskool Ellisras en na drie maande het ek verskuif na ’n nuwe skool, Laerskool Bosveld, ook in Ellisras. Ek het bevordering gekry met ingang van 1993/01/01 as Departementshoof Opvoedkundige Leiding, en aan die begin van 1997 is ek bevorder tot waarnemende adjunkhoof.
Vertel ons ʼn bietjie van jouself:My naam is Pieter Early en ek is ’n “Attitude Warrior.” Ek glo dat ’n positiewe gesindheid, gesonde selfbeeld en reaktiewe geestesingesteldheid (“mindset”) lewensveranderend kan wees . My lewensmotto is: As jy daaroor kan droom, kan jy dit doen. Kinders en jongmense het my nog altyd na aan die hart gelê. Ek het in 1998 opleiding ontvang as Avontuurinstrukteur Vlak 1 en 2. Ek het Badube Avonture begin en letterlik duisende kampe gehou, partymaal tot vyf per jaar, ek het duisende kinders op kampe geneem en honderde hoërskoolkinders en studente opgelei as Avontuurinstrukteurs Vlak 1.
Titel:Hoof van Skool: Eenheid vir Navorsing en Nagraadse Studie
Kwalifikasie:BCom (cum laude);
BCom Hons (cum laude);
MCom (Bemarkingsbestuur) (cum laude) wat aan die Noordwes-Universiteit verwerf is.
My spesialisgebiede sluit in bemarking, bestuur, leierskap, interkulturele kommunikasie en bemiddeling.
Aantal jare ondervinding binne die bedryf: Meer as 13 jaar
Jou loopbaanpad tot dusver:Ek is die Hoof van Skool: Eenheid vir Navorsing en Nagraadse Studie aan ʼn privaat tersiêre instelling. My akademiese loopbaan strek oor meer as 13 jaar met ʼn spesifieke fokus op doseer in die velde van bemarkingsbestuur, ondernemingsbestuur, entrepreneurskap, kleinhandelsakebestuur, innoverende verkope en interkulturele bestuurskommunikasie op sowel voorgraadse as nagraadse vlak by verskeie universiteite.
Vertel ons ʼn bietjie van jouself:Ek is ʼn ma van twee dogtertjies en die vrou van ʼn ingenieur. Ek sien myself as ʼn alledaagse, dienende leier en is dus lief vir mense, onderrig en mentorskap. Die onderrig van my dogters en studente is daarom belangrik en ek gee ook katkisasie vir ʼn groep graadeentjies. Ek tree tans op as ʼn mentor by die instelling waar ek werksaam is en sien daarna uit om ander te mentor. Reik uit!
Titel:Regional Sales Manager – Meridian Wine Merchants
Kwalifikasie:
Graad in Verkope en Bemarking
Sertifikaat van Kaapse Wynakademie
Aantal jare ondervinding binne die bedryf: 22 jaar
Jou loopbaanpad tot dusver:
Interne Verkope: Builders Market
Aankoper: Senwes
Verkoopsverteenwoordiger: SASKO (Pioneer Foods)
Verkoopsverteenwoordiger: ABI Bottling (Coke)
Spesialisverkoopsverteenwoordiger: ABI Bottling (Coke – Spar-groep)
Assistentverkoopsbestuurder: ABI Bottling (Coke – PnP-groep)
Verkoopsbestuurder: ABI Bottling (Coke)
Streeksbestuurder vir handelsware: ABI Bottling (Coke)
Ontwikkelingsverkoopsbestuurder: ABI Bottling (Coke)
Nasionale verkoopsbestuurder: Homemark (5-Hour Energy Shot)
Streeksverkoopsbestuurder: Meridian Wine Merchantes (Gauteng en Binneland)
Vertel ons ʼn bietjie van jouself: EEk is al vir die afgelope 20 jaar gelukkig getroud met my vrou Liezel. Ons het twee kinders, Luben (14) en Dante (10). Ons woon tans in Centurion en werk van ons Woodmead-kantoor af. Elke oggend oefen ons as ʼn gesin saam ter wille van gesondheid. Ons eet ook gesond om ons gewig en gesondheid te ondersteun. Ons is mal daaroor om op vakansie te gaan en maak graag kamp deel van ons vakansie.
Aantal jare ondervinding binne die bedryf: 24+ jaar
Jou loopbaanpad tot dusver: Ek het my militêre diens as offisier by 1 Parachute-bataljon voltooi en my leierskapsvaardighede versterk. In 1985 het ek my bestuursloopbaan begin en oor 24 jaar waardevolle ondervinding in die meubel- en versekeringsektor opgebou. My vermoë om langtermyn-sakeverhoudings te vestig en te behou, het my in die varsproduktemark gelei, waar ek nou 15 jaar se ondervinding in FMCG, kleinhandel en groothandel het.
Vertel ons ʼn bietjie van jouself: Met ‘n sterk agtergrond in besigheidsbestuur, opleiding en konsultasie, het ek bewys dat ek vertroue kan wen en praktiese, doeltreffende oplossings bied. Ek is vasberade, doelgerig en gefokus op resultate, met ‘n kernwaardestelsel wat vertroulikheid, integriteit en uitsonderlike dienslewering insluit. My professionele benadering en vermoë om suksesvolle sakeverhoudings te bou, maak my ‘n gewaardeerde adviseur en vertroueling in die sakewêreld
Aantal jare ondervinding binne die bedryf: 26 jaar
Jou loopbaanpad tot dusver: Ek het vir ’n aantal jaar in die konstruksiebedryf gewerk, met spesialisasie in elektriese werk. ’n Geleentheid by Sol-Tech het my egter in die wêreld van opleiding bekendgestel, en sedert 2008 is ek voltyds betrokke by die ontwikkeling van elektrisiëns. In 2016 het ek finaal my gereedskap en toetsers verruil vir ’n voltydse rol in opleiding.
TDMI Training is in 2009 gestig en het sedertdien ’n toonaangewende rol gespeel in die bedryf, veral op die gebied van bedradinglisensies. Ons spesialiseer in die registrasie van elektrisiëns by die Departement van Arbeid (DOL) en bied ook verskeie ander elektriese verwante kursusse aan.
Vertel ons ʼn bietjie van jouself: My persoonlikheid pas natuurlik by die opleidingsomgewing – ek is geduldig, doelgerig en het ’n passie vir die oordra van kennis. Ek geniet dit om mense te help groei in hul loopbane en vind vervulling daarin om komplekse konsepte op ’n eenvoudige en praktiese manier oor te dra.
Aantal jare ondervinding binne die bedryf: 28 jaar
Jou loopbaanpad tot dusver: Ek is `n Ex Polisie Offisier en werk tans as Forensiese Deskundige en Forensiese Assessor in die privaat sektor. Ek doen motor botsing rekonstruksies. Ek help kliente wat ernstig beseer is tydens motor botsings. Ek help prokureurs met voorbereiding vir Siviele Litigasie met siviele eise teen RAF / Prasa Metrorail of Assuransie Maatskappye.
As Polisie beampte sedert 1981 tot 1997, het ek verskeie kursusse gedoen met betrekking tot misdaad tonele, ongeluk rekonstruksies en fotografie. Sedert 1997 is ek in die privaat sektor as Forensiese Assessor. Ek het van 1997 tot 2002 by RAF Kaapstad gewerk maar my eie besigheid begin in 2002. Sederdien doen ek Forensiese ondersoeke in die privaatsektor. Sien www.quaestio.co.za … ek help kliente met voorbereiding van persoonlike beserings eise. Ek spesialiseer in Siviele Litigasie.
Aantal jare ondervinding binne die bedryf: 10 jaar
Jou loopbaanpad tot dusver:2013: Maryvale Gekombineerde Skool
2014-2018: Grey Kollege Sekondêr
2019-2020: St Michael’s Meisieskool
Jun. – Des. 2021: Eunice Hoërskool (Aflos)
2021-2022: Deeltydse dosent by Aros vir NGOS-studente: Natuurwetenskappemetodiek
2020 – 2022 Juffrou Karen Aanlyn ekstra klasse vir Skeinat
Vertel ons ʼn bietjie van jouself:Ek het in die sprokiesmooi Ugie aan die voet van die Prentjiesberge, op ʼn plaas op die grens van die destydse Transkei grootgeword. Nadat ek aan die Hoërskool Hangklip op Queenstown gematrikuleer het, het ek vir ʼn jaar by ʼn bosboukwekery gewerk, waarna ek Bloemfontein toe is om aan die Universiteit van die Vrystaat te studeer.
Kwalifikasie: Diploma Business & HR Management (South African Institute of Management (SAIM))
Aantal jare ondervinding binne die bedryf: 26-jaar ondervinding
Jou loopbaanpad tot dusver: Ek matrikuleer in 1993, alhoewel ek altyd wou studeer was dit my nie beskore op daardie stadium nie. My pa het sy onderneming verloor deur grondonteiening en op daardie stadium was dit vir hom moeilik om weer ’n onderneming op die been te bring a.g.v. sy ouderdom. My ma werk en ek het geweet ek sal my kant ook moet bring en ook begin werk.
Vertel ons ʼn bietjie van jouself: Ek is die jongste van vier. My pa is in 2012 oorlede. My moeder leef nog.
Toe ek op 13 Oktober 1995 by Standard Bank begin werk het, het ek ook op daardie dag my man ontmoet.
Ons is hierdie jaar 25-jaar getroud en het twee kinders en ’n kleinseun.
Ek beskou myself as baie hardwerkend en het baie selfvertroue in myself en wat ek doen, omrede ek elke dag bereid is om te leer en te groei.
Ek glo by die huis en werk is ek ’n steunpilaar vir baie. Ek geniet die diversiteit van my personeel en die uitdagings wat die verskillende persoonlikhede bring.
Jou loopbaanpad tot dusver:My loopbaanpad het in 2012 by die Noordwes-Universiteit se Graphikos-afdeling begin. Ek was as junior ontwerper aangestel en so was ek aan die diepkant ingegooi om alles van die bedryf te leer en prakties toe te pas. Ek het vir twee jaar baie geleer en my voete gevind. Ek het geweet dit is wat ek vir die res van my lewe wil doen. In 2014 het ek my vlerke gesprei na die agentskaplewe en ek het vir Magnetic Creative begin werk.
Vertel ons ʼn bietjie van jouself:Die beste manier om my te leer ken, is om aansoek te doen vir jou mentorskap by my dan vertel ek vir jou alles van myself.
Kwalifikasie: BEd (FET); BEd (Honneurs) ; MEd (Meestersgraad in Onderwysleierskap)
Aantal jare ondervinding binne die bedryf: 13 jaar
Jou loopbaanpad tot dusver: As dinamiese onderwyser leef ek sedert 2009 my passie en roeping by Hoërskool Zwartkop uit. Dit is ’n groot voorreg om die geleentheid te hê om aan môre se toekomstige leiers, ons jong mense, te help vorm. Ek is sedert 2014 deel van die dinamiese bestuurspan van Hoërskool Zwartkop en ons as leierskorps is daarop toegespits om gelukkige en opgewasse jong volwassenes vir die toekoms te vorm.
Vertel ons ʼn ietjie van jouself: Ek is ’n passievolle onderwyser en leier, wat onvoorwaardelik daar is vir jong mense – die toekoms van môre. Ek is oortuig dat ’n mens geroep word tot die onderwys en dat die verskil wat ’n mens daagliks maak van groter waarde is as wat ’n mens ooit sal besef.
Titel: Finansiële Hoof van die Solidariteit Beweging
Kwalifikasie: BA (cum laude), BA (Honneurs) (Grieks), BD (cum laude), MCom verwerf aan die Universiteit van Pretoria en BCompt Honneurs en STR, aan Unisa verwerf.
Aantal jare ondervinding binne die bedryf: 31 jaar
Jou loopbaanpad tot dusver: Ek is in Januarie 2013 as die Finansiële Hoof van die Solidariteit Beweging aangestel. My take by Solidariteit sluit die opstel en bestuur van die jaarlikse begroting en die oorhoofse bestuur van die afdelings Finansies en Mensehulpbronne in. Ek dien in die direksies van verskeie kultuurinstellings, onder meer die FAK, die Erfenisstigting, die Voortrekkermonument en Maroela Media.
Vertel ons ʼn ietjie van jouself: Ek is getroud en het twee dogters. In my vrye tyd geniet ek hardloop en fietsry. Ek het onder meer die Comrades Marathon en die Absa Cape Epic-bergfietswedren suksesvol voltooi.
Kwalifikasie: B. Ing Siviel;
M. Ing Konstruksiebestuur;
Prof Ing – Lid ECSA & SAICE;
Lid van Dendrologiese Vereniging van SA.
Aantal jare ondervinding binne die bedryf: 46 jaar
Jou loopbaanpad tot dusver: Studeer ingenieurswese aan die Universiteit Stellenbosch met ʼn beurs van die Departement van Waterwese (DWA). Daarna 14 jaar werksaam as Ingenieur en later resident-ingenieur by die DWA en betrokke by die ontwerp en konstruksie van verskeie groot waterskemas.
Vertel ons ʼn bietjie van jouself: Ek is ʼn mense-mens, glo aan goeie spanwerk, ingenieurs-etiek, vertroue in jou mede-ingenieurs, ander ondersteuningspersoneel en kontrakteurs ens. om ʼn projek betyds, binne begroting en volgens spesifikasie af te handel.
Beroep: IT
Titel: IT Projekbestuurder
Kwalifikasie: PMP gesertifiseerd (project management professional)
Aantal jare ondervinding binne die bedryf: 20+ jaar
