Kwalifikasie: BEd Intermediêre Fase (Afrikaans Huistaal en Wiskunde)
Gestalt Spelterapie, Vlak 1 en 2
Aantal jare ondervinding binne die bedryf: 10 jaar
Jou loopbaanpad tot dusver:My onderwyspad het in 2010 vlamgevat toe ek indiensopleiding by ’n groot laerskool geleë in Middelburg ontvang het, terwyl ek vir my graad studeer het (iets wat ek vir ander studente sal aanraai). Die indiensopleiding het my kennis ’n hupstoot gegee. Die dag toe ek my eie klas kry, het ek reeds agtergrondkennis opgedoen van twee fases in die onderwys nl., intermediêre- en grondslagfase.
Vertel ons ʼn bietjie van jouself:Ek is net ’n gewone mamma van twee pragtige kindertjies. ’n Onderwyseres wat voel sy is ’n “undercover Wonder-Woman”, wat hoop vir superkragte om ’n verskil in ’n wêreld te maak wat gevul is met ’n gejaag, minder boeke, meer skermtyd en meer probleme. My passie is onderrig. Ek is ’n doen-mens. Ek pak take soos ’n bul by die horings aan. Ek het hierdie kennis opgedoen om dit te kan deel.
Kwalifikasie: Nasionale diploma in Mensehulpbronne-bestuur
My spesialisarea is die keuring en plasing van studente by al die innames, opleiding aan personeel en die deurwerk van aansoeke.
Aantal jare ondervinding binne die bedryf: 7 jaar
Jou loopbaanpad tot dusver: Ek is onlangs tot die senior koördineerder bevorder en groei nog in my pos in.
Vertel ons ʼn bietjie van jouself: Ek is een van ʼn tweeling. Ek is getroud en het twee pragtige kinders. Ek hou van die buitelewe en geniet my werk terdeë.
Aantal jare ondervinding binne die bedryf: 15 jaar aankope en verkryging (logistiek); 20 jaar rekenmeester, waarvan 10 jaar ook salarisse en PAYE ingesluit het. 3 jaar geregistreerde SARS-praktisyn en lid van die SAIT.
Jou loopbaanpad tot dusver: My loopbaanpad is suksesvol afgehandel na 47 jaar, maar ek is nog te jonk om af te tree.
Vertel ons ʼn bietjie van jouself: Na ʼn suksesvolle loopbaan voel ek die tyd het aangebreek dat ek in die gemeenskap moet terugploeg asook in ons jong mense se toekoms. Daarom wil ek ʼn mentor wees. Ek is nou betrokke by die Gemeenskapsforum se taakspan wat gestalte begin kry en waarby Solidariteit sowel as Helpende Hand betrokke is.
Kwalifikasie: B Com: Informatika en “Life Coaching” diploma
Fokus area: besigheidsanalise en die verstaan van klient vereistes, inlsuitend hoe om die regte vrae te vra.
Aantal jare ondervinding binne die bedryf: 25
Jou loopbaanpad tot dusver: Ek het Bedryfsingenieurswese studeer en diploma ontvang. Kry geleentheid om in IT industrie te begin werk as besigheidsanalis. Doen dit vir die laast 25 jaar deur in verskillende industriee te werk en prosesse te verduidleik en oplossing te vind om prosesse te verbeter.
Vertel ons ʼn bietjie van jouself: Een van die belangrikste eienskappe van ‘n besigheidsanalis is om jou klient se vereistes te verstaan. Dit behels redelike interaktiewe gespekke en die vermoe om wat jy gehoor het op papier te sit.
Ek het ‘n Clifton Strenghts asessment gedoen wat bevestig dat ek ‘n Learner, Belief. Developer is. Dit beteken ek leer vinnig en kan potensiaal raak sien in mense. Die Life Coaching kwalifikasie wat ek gedoen het het net soveel meer diepte gegee in my rol as besighedisanalis aangesien dit help met die regte vrae vra.
Senior Mediese Beampte – ses maande, Interne Geneeskunde, Hillbrow
Kliniese Assistent (Pediatrie) – amper vier jaar, Wits
Spesialis in Pediatrie – amper agt jaar, Johannesburg Hospitaal
Professor in Pediatrie en departementshoof – bykans 20 jaar
by Medunsa, (die universiteit het verskeie naamsveranderinge ondergaan)
Aanstellings as mede-dekaan (deeltyds) – Navorsing en later in Onderrig en Opleiding
Vertel ons ʼn bietjie van jouself: Ek is ʼn kind van God. Ek het juis ʼn geneesheer geword om Hom te dien. My loopbaan as geneesheer was baie vervullend. Daar is duidelik in alle werkrigtings frustrasies en teenspoed, maar dit is ʼn geweldige voorreg om ʼn roeping as geneesheer te hê. Ek sou graag as mentor optree as dit bruikbaar sou wees.
Kwalifikasie: Hoër sertifikaat in rekeningkunde, MCSA (Microsoft-gesertifiseerd), A+,N+, Security+, besig met Cloud.
Bied ondersteuning in bogenoemde areas.
Aantal jare ondervinding binne die bedryf: 12 jaar IT-ondervinding
Jou loopbaanpad tot dusver: Ek het sedert ʼn jong ouderdom gereeld saam met my broers rekenaarspeletjies gespeel, rekenaars uitmekaar gehaal en dit weer opgebou. Na voltooiing van my skoolloopbaan het ek die geleentheid gekry om by T-Systems ʼn internskap te voltooi waar my IT-loopbaan begin het. Ek het as IT-praktisyn by Akademia begin werk waarna ek bevorder is tot fasiliteerder. Ek het ʼn gulde geleentheid in die akademiese rigting gekry en besluit om dit by Sol-Tech aan te pak.
Vertel ons ʼn bietjie van jouself: Ek bly my lewe lank nog in Pretoria. Ek is ʼn Crossfit vlak 1 gesertifiseerde afrigter. Ek dien ook op die IT-netwerk se adviesraad en hou daarvan om só terug te gee aan die IT-gemeenskap. Ek is gedrewe en hou daarvan om nuwe uitdagings aan te pak en altyd nuwe goed te leer.
Aantal jare ondervinding binne die bedryf: 26 jaar
Jou loopbaanpad tot dusver: Ek het vir ’n aantal jaar in die konstruksiebedryf gewerk, met spesialisasie in elektriese werk. ’n Geleentheid by Sol-Tech het my egter in die wêreld van opleiding bekendgestel, en sedert 2008 is ek voltyds betrokke by die ontwikkeling van elektrisiëns. In 2016 het ek finaal my gereedskap en toetsers verruil vir ’n voltydse rol in opleiding.
TDMI Training is in 2009 gestig en het sedertdien ’n toonaangewende rol gespeel in die bedryf, veral op die gebied van bedradinglisensies. Ons spesialiseer in die registrasie van elektrisiëns by die Departement van Arbeid (DOL) en bied ook verskeie ander elektriese verwante kursusse aan.
Vertel ons ʼn bietjie van jouself: My persoonlikheid pas natuurlik by die opleidingsomgewing – ek is geduldig, doelgerig en het ’n passie vir die oordra van kennis. Ek geniet dit om mense te help groei in hul loopbane en vind vervulling daarin om komplekse konsepte op ’n eenvoudige en praktiese manier oor te dra.
Jou loopbaanpad tot dusver:Ek het my LLB-graad in 2011 verwerf en het my meestersgraad in Strafprosesreg in 2014 verwerf. Ek is in 2014 tot die hooggeregshof toegelaat en het ook verskyningsbevoegdheid in die hooggeregshof.
Ek het in 2011 my staatsaanklaerseksamen geskryf en is vir ‘n onderhoud genooi. Ongelukkig is ek nie as ʼn staatsaanklaer aangestel nie. In 2012 het ek my toelatingseksamen geskryf en al vier my eksamens deurgekom. Aan die begin van 2012 het ek ʼn advokaat geskadu en ondervinding opgedoen in die opstel van hoofde van betoë.
Vertel ons ʼn bietjie van jouself:Ek is baie avontuurlustig en hou van die buitelewe. Ek hou van visvang en stap graag. Ek is mal oor sport en speel binnenshuise krieket. Ek kook en bak graag. Ek is ʼn diereliefhebber en gaan stap graag met my dierekind.
Aantal jare ondervinding binne die bedryf: 50 jaar
Jou loopbaanpad tot dusver: Ek het in 1975 begin skoolhou, daarna ‘n posvlak 3 bevordering aanvaar as adjunkhoof van ‘n Onderwyssentrum en word later die hoof. Hierna aanvaar ek ‘n pos as ‘n SES in die eksamenafdeling van ‘n Distrikskantoor en tree dan uit. Hierna raak ek betrokke by privaatskole, tutorsentrums en ook as tutor vir tweedejaar onderwysstudente by Wits en staan steeds in die tuig.
Vertel ons ʼn bietjie van jouself: Ek het ‘n passie vir die oordrag van kennis en om jongmense vir die lewe toe te rus. Die vonkel in ‘n kind of jongmens se oog wanneer hulle ‘n begrip snap en jy weet jy het daartoe meegewerk kan met geen geld gekoop word nie.
Beroepsveiligheid en -gesondheidsertifikate (voltooi)
Nasional Safety Management Diploma (UNISA) (vir voltooiing teen die einde van 2022)
Aantal jare ondervinding binne die bedryf: 21 jaar
Jou loopbaanpad tot dusver: Ek het met my loopbaan as meulmaker by Yskor begin en in 2000 gekwalifiseer. Toe het ek by Pro Belt Services gewerk waar ek tussen verskillende mynbedrywe rondgery het om vervoerbande te diens. Daarna het ek by N F Die-Casting begin werk waar ek as “CNC Setter” gewerk het. Dit was meer gefokus op die produksielyn. Daarna het ek by Willards Foods skofte begin werk waar en masjiene in stand gehou.
Kwalifikasie: PhD Organisasie Ontwikkeling
Fokus area Coaching
Aantal jare ondervinding binne die bedryf: 30 jaar +
Jou loopbaanpad tot dusver: Ek het verskeie leierskapsrolle vervul, van Direkteur Menslike Hulpbronne, Besturende Direkteur van Logistieke maatskappye, Hoof Operasionele Beampte en Hoof Uitvoerende Beampte in beide vir profyt en NGO.
Bestuur van mega projekte in die konstruksie en vervoer industrie en finansiele omswaai van verskeie entitieite.
Vertel ons ʼn bietjie van jouself: My voorliefde vir mensontwikkeling en afrigting was deur al my posisies my primere fokus, ek het vele jong professionele en ouer professionele mense ontwikkel en afgerig tot beter prestasie en loopbaan vervulling. My persoonlikheid is liefde vir ontwikkeling en groei van mense wat die potensiaal het om dit te doen.
Aantal jare ondervinding binne die bedryf: 44 jaar
Jou loopbaanpad tot dusver: 36 jaar geneeskundige MW ervaring in hospitale en palliatiewe sorg (Hospice). 8 Jaar privaatpraktyk
Vertel ons ʼn bietjie van jouself: Ek beskou myself as ‘n realistiese empatiseerder. Daarmee bedoel ek dat empatie maklik kom, maar dat jare se mensekennis en eie ervaring my ook realisties na die lewe laat kyk.
Kwalifikasie: NDip IT (Unisa)
Ek spesialiseer in die ontwikkeling van sagteware-oplossings wat nie net aan die huidige behoeftes van die bedryf voldoen nie, maar ook toekomstige innovasies en tegnologiese vooruitgang in ag neem. My werk dra by tot die verbetering van operasionele doeltreffendheid en ondersteun die volhoubare groei van die landbousektor.
Aantal jare ondervinding binne die bedryf:
7 jaar as tegnikus
10 jaar as sagteware-ontwikkelaar
Jou loopbaanpad tot dusver: Ek het my loopbaan direk na skool begin as ‘n tegnikus, waar ek verantwoordelik was vir die ondersteuning van hardeware en sagteware. Om my kennis en vaardighede te verdiep, het ek die kans benut om deeltyds by UNISA te studeer. In 2015 het ek ‘n geleentheid gekry om op ‘n kontrakbasis as ʼn PHP-ontwikkelaar by ‘n landboumaatskappy aan te sluit.
Vertel ons ʼn bietjie van jouself: Probleemoplossing: As iemand wat dit geniet om ingewikkelde probleme aan te pak en innoverende oplossings te vind, pas my vermoë om uitdagings te identifiseer en doeltreffend op te los perfek by die dinamiese en veeleisende aard van tegnologie-ontwikkeling.
Aantal jare ondervinding binne die bedryf: 16 jaar
Jou loopbaanpad tot dusver: Ek het my graad in 2005 aan die NWU verwerf en het my klerkskap in 2008 in Potchefstroom voltooi, waarna ek in die privaat sektor begin werk het. Ek het onder meer by Apple SA (Core Computer Business) en Betway SA ondervinding as rekenmeester en finansiële bestuurder opgedoen. Ek het in 2017 by die IMM ingeskryf om my tweede graad in Bemarking en Bestuurswese te behaal. Ek het die graad in 2021 verwerf. Ek beklee op die oomblik ʼn pos as hoof van finansies en mensehulpbronbestuur by ʼn internasionale handelsmaatskappy in die Kaap.
Aantal jare ondervinding binne die bedryf: 28 jaar
Jou loopbaanpad tot dusver: Ek het ná my vierjaar-opleiding in die privaat sektor gewerk waar ek vir ses jaar in ʼn kraamsaal gewerk het. Daarna het ek vir 16 jaar buite ʼn hospitaalopset gewerk en was vir 14 jaar in die mynbedryf werksaam. Ek is nou weer vir net meer as ʼn jaar terug in ʼn hospitaalopset. Ek het vir die afgelope tien jaar bestuursposte beklee.
Vertel ons ʼn bietjie van jouself: Ek hou daarvan om met mense te werk. Ek glo aan regverdigheid en eerlikheid.
Aantal jare ondervinding binne die bedryf: Sewe jaar in langtermynversekering en tien jaar in korttermynversekering
Jou loopbaanpad tot dusver:Ek het as ʼn geoktrooieerde rekenmeester gekwalifiseer en het my klerkskap in die Johannesburg-kantoor van PWC gedoen.
Ek het by die volgende maatskappye in die volgende poste gewerk:
• Hoof- finansiële beampte by Camaf Mediese Fonds
• Algemene rekenpligtige beampte by Afrox
• Dosent aan Universiteit Stellenbosch nadat ons na Kaapstad verhuis het
• Hoof- finansiële beampte by Western Nasionale Versekeringsmaatskappy Bpk. (korttermynversekeraar)
• Bedryfshoof by Western Nasionale Versekeringsmaatskappy Bpk.
• Bedryfshoof by African Unity Life Bpk.
Vertel ons ʼn bietjie van jouself:Ek is in die Suid-Vrystaat gebore en het daar grootgeword. Ek het by ʼn klein skooltjie skoolgegaan. Het ʼn BCompt(Hons) aan die Universiteit van die Vrystaat verwerf. Het na Johannesburg verhuis waar ek my meestersgraad aan die Universiteit van Johannesburg verwerf het.
Aantal jare ondervinding binne die bedryf: 45 jaar
Jou loopbaanpad tot dusver: Grootgeword op die plaas, later landbou studeer, gaan boer en vir die laatste 10 jaar ‘n agronoom en landboukundige. Ook Senior lektor by UFS.
Vertel ons ʼn bietjie van jouself: Ek deel passievol my ondervinding en ervaring met jong mense. Ek is van mening dat die sleutel tot volhoudbaarheid le in die kombinasie tussen ervaring van ouer persone en die energie van jong mens in ‘n Mentorskaps- of ‘n werksverhouding.
Jou loopbaanpad tot dusver: Ek is ‘n oud onnie en nou Rekenmeester. Het in 2010 tot 2013 my B.Comm graad in Finansiële Rekenmeesterskap voltooi en daarna in 2014 my NGOS voltooi. Het vir 4 jaar in die staat skoolgegee, waarvan 3.5 jaar in ‘n departementele pos was en waarvan ek ook vakhoof was. Daarna is ek 4 jaar na die privaat sektor toe vir skoolgee. Nou bevind ek my vol sirkel terug na waar my ware passie lê en is ek huidiglik ‘n Rekenmeester en oppad na ‘n gekwalifiseerde Rekenmeester binnekort. In 2026 het ek my eie besigheid ook begin om jongwerkendes en onderwysers te help met boekhouding en persoonlike belastings.
Omrede ek beroeps gerig, perfeksionisties en ‘n klein bietjie OCD het. My sarkasme en my emosionele intiligensie, is wat my na die pad gelei het. In elke werksplek tot dusver is ek nog elke keer op ‘n manier in die diep kant in gegooi en verwag om te swem, tot nou, glo ek het ek nog elke keer ‘n sukses daarvan gemaak. Daarvan is ek oortuig dat my werksetiek en kwaliteit van werk vir dit self spreek.
Aantal jare ondervinding binne die bedryf: Vyf jaar
Jou loopbaanpad tot dusver:Ná skool het ek vir agt maande as ʼn verkoopspersoon by Cash Crusaders gewerk. Ek was vir een en ʼn half jaar ʼn assistentvlootbestuurder. by Nano Fibre. By MTTC het ek as ʼn PA en ontvangsdame begin en nou is ek die hoof van administrasie. Ek is reeds twee jaar en sewe maande by hulle. Vertel ons bietjie van jouself: Ek is ʼn vriendelike, hardwerkende persoon wat my bes probeer om mense te help waar ek kan. In my spaartyd luister ek graag na musiek en gaan stap. Ek hou daarvan om tyd in die tuin deur te bring en om nuwe vaardighede aan te leer.
Beroep: Onderwyseres
Titel:Grondslagfase (Graad 3)
Kwalifikasie: BEd Intermediêre Fase (Afrikaans Huistaal en Wiskunde)
Gestalt Spelterapie, Vlak 1 en 2
Aantal jare ondervinding binne die bedryf: 10 jaar
